السلام عليكم اولا
من غير مقدمات بفتح التلفزيون لقيت رئيس وزراء ايطاليا بيرلسكوني غارق ف دمه ال ايه واحد الراجل دا مش عاجبه يكون رئيس وزراء ايطاليا وانه لا يصلح ان يكون رئيس لها
قعدت افكر وانا قاعد بفكر نمت اوم ايه حلمت بكابوس جميل اوى ال العبد لله قدامه بيض فاسد وطماطم مسرطنه ع شويه ادويه مغشوشه واذا بهاتف يهتف بي قوم يا ادهم واختار حد من الساده اللى مطلعين عيون الشعب المصري كله وارميه بهذه الاشياء
وانا بقي ما صدقت جبت الوزاره كلها وعليهم المدير بتاعي وكمان البت حبيبتى لانها بجد زهقتنى
وما قولكمش فرصه وجاتلى مش كل يوم ححلم بالحلم الجميل دا
وهاتك يا ضرب فيهم
دي عشان الدعم
ودي عشان رغيف العيش ابو مسامير وزباب
ودي عشان الضرايب
ودي عشانالرواتب والكادر المزعوم الخ الخ
المهم استمتعت بهذا
السؤال اللى بطرحه عليكم مين تريد ان ترميه بالبيض والطماطم وغيره من الساده مسؤلى البلد
فيه جائزه كبيره
رحله ل طره او
وادي النطرون او
ابو زعبل
او لحيث لانعلم
انا بقول اهو حلم والله مش اكتر اقصد كااااااااااااااابوس
سلمتك يادماغي انا منتظر ردودكم بس فين الله اعلم