حد يقولى ..... ليه الزحمه

حد يقولي
لية الزحمة
حد يقولي
فين الرحمة
طب دلوقتي
بكام اللحمة
و لا الزيت !!!
طب يا خوانا
ولادنا هياكلوا
أية في العيد؟؟
ممكن يعني
موظف بلدي
يبقي سعيد؟؟!!
ممكن يعني
ولادة يحسوا
كدة بالعيد
أمتي يا رب
ما أحس في بلدي
أني غريب
أمتي أحس
بأبني
أنة سعيد
و أنت يا بابا
فرحان
عشت حياتك
و أنت نضيف
و شريف
أصل أنا عارفك
دوغري
يعني مالكش
في التظبيط
يعني ما كنتش
عارف
تفتح درج
تغمض عين
كانت الفيلا
و العربية
و يمكن كنت
هتبقي وزير...!!!

بجد ياروزى كلامك ده جميل جدا انتى معندكيش فكره بجد بقيت احب اشوفه اوى

والكلام ده فعلا حسيته حقيقى عشان تقريبا بقى دلوقتى معظم بلاش اقول معظم بس بقى فى ناس كتير ده حالهم
ميرسى ياقمر

ميرسى يا يويو بجد انا بجد فرحانه اوى لان قليل اوى لما تلاقى حد بيحس بالكلام ده بجد و تقبلت مرورك يا قمر