انا مالى ولادى بيموتوا فى غزه

أنا مالي
ولادي بيموتوا في غزة
و أنا مالي
أمي و أختي و مراتي
بتتشرد
و أنا مالي
أنا أصلي قاعد
بتدفى و بتفرج
و بيصعبوا علية
و أنا مالي
أنا أصلي
أديت عدو الله كلمة
و عملت مع الشيطان
معاهدة
و أنا مسلم و مش داري
و العهد مش ممكن أخونة
و ولادي لما يموتوا
مش بردة في الجنة
و لا داري
و المسجد لما يدنس
و يطربق
و أنا مالي
أنا أصلي قاعد
و متدفقي وبتفرج
و بيصعبوا علية
بس مقدر أخون العهد
و لما بيوتنا تتطربق
علي دماغنا و دماغ ولادنا
فيه أهم
أنا مدي كلمة للشيطان
و خايف يزعلوا الجيران
و الجامع
أنا ممكن أبني زيه
في اليونان
و الأهم
أنا مدي كلمة لليهودي
أنا أصلي مسلم
و الكلمة عهد
و استحملي يامه
و لما تموتي
من الظلم و الذل
مش كنتي أُمه
و لما تقابلي ربنا
أوعي تقو ليلة
أنا كنت شايف
أنا أصلي كنت متدفقي
و متعشي
و دة الأهم
و الكرسي دافي
و جيشي حافي
مش بردة ممكن
يستهوى و يجيله برد
أنا شايلة لما تموتوا
يا ولادي
و ما عندي ذنب
أنا مدي كلمة و عهد
و اللي يخون العهد
ممكن يخش النار
معلش يا أخوانا
أنا بردة محتار
بلاش حماس
و بلاش رصاص
دة الكرسي دافي
بس اللي ممكن أعملة
أنا ممكن أزعل
و أقول اليهودي
اللي بيقتلك
أنا ممكن أزعل
و لا أقولك
أخاف لا يزعل
لو قلت هزعل
و الكرسي دافي
مش فاكر لما قولتلك
أنا جيشي حافي
أنا بردة مش هسكت
و محدش يكلمني
عالغاز و عالمعبر
و ولادي لما يموتوا
معلش مش هقدر
و كفاية أني بتفرج
و بزعل و بتكدر
و حتي في رأس السنه دي
مش خارج و لا هسهر

ميرسى روزى على الموضوع الجامد دة

وبجد صعب اوى اللى بيحصل فى غزة وفى اخوتنا الفلسطنين

(ان اللة مع الصابرين)

ماااااااااااااااااااااريو

ميرسى روزى كلامك تحفه وبجد حاجه فظيعه اوى اوى انا مش بقدر بجد اشوف اللى بيحصل عشان كده حرام جدا جدا وعلى راى ماريو (ان الله مع الصابرين)ربنا كبير

وتقبلى مرورى

ارجو التثبيت و ميرسى على مروركم