عدد الرسائل : 370 العمر : 37 رقم العضويه : 2 Personalized field : تاريخ التسجيل : 29/05/2008
موضوع: يا سلام هبقى الريس الخميس يناير 15, 2009 3:12 pm
احلم يا عم انت حتدفع حاجة من جيبك الحلم ده على حسابى غمض عينيك شوية واحلم انك بقيت رئيس البلاد
متقولش ازاى .. مش مهم زورت الانتخابات ... او قلت للناس انتخبونى احسن ارمى نفسى من فوق البرج فصعبت عليهم قاموا انتخبوك .. او يكون لك واحد صاحبك امريكاوى بتكلمه على الياهوو وقال لبوش انك ولد مجدع ورجولة وكفاءة وانك من بتوع العولمة والعوالم والنظام العالمى الجديد لنج .. ومش من اللى بيصلوا الفجر جماعة ... فوافق بوش انك تقعد على ... الكرسى
المهم انك بقيت دلوقتى رئيس البلاد مين قدك يا عم
حتاكل طعمية مقلية بزيت فرنساوى وربنا حيتوب عليك من طعمية عم حسن المقلية بزيت العربيات
وحتتعالج من انيميا الفول .. الفول الجديد بقه يا عم من غير سوس
وابقى قابلنى لو لقيت اى مسمار فى العيش ... حتاكل عيش من ابو الرغيف بربع جنيه ... سخن وطازة وطرى .. تخيل .. طرى مش زى العيش اللى انت كنت بتاكله وانت بتشرب كباية ميه ورا كل لقمة علشان تنزل
لا لا العيش ابو شلن ده اللى انت كنت بتجيبه من الفرن وعقبال متوصل بيه البيت يسلجم ويقفع ... وتعاقب عليه دوليا لأنه اصبح من اسلحة الدمار الشامل ... لا انسى الكلام ده خالص الاوضاع حتتغير خالص ياعم ... دا انت ربنا حيكرمك خالص والله العظيم
وبعدين انته مش كنت بتسمع وانت قاعد على القهوة وحاطط رجل على رجل وصباعك طالع من الجزمة انهم حيستوردوا حاجة كدة من السودان واثيوبيا آه فاكر اهى هى دى اللحمة لا لا مش اللى انته كنت بتاكلها فى العيد ، بتاعت العيد دى اسمها كرشة ... متفضحناش بقه الله يسترك
وحيبقى فيه كنتاكى .. متسألش .. دى فراخ يعنى حتودع عم لطفى الفرارجى اللى كان بيعين لك رجلين الفراخ وانت كنت بتقول له عشان الكلب وكان ساعات يفوت لك حتتين قنصة على حتتين كبدة من بتوع الزباين اللى بيستحموا بصابون اجنبى
وحتشرب السيجارة كلها مرة واحدة .. يعنى مفيش تخميس وبعدين دى سجاير ستراكى سترايك من بتاعت الست مارى منيب .. جو تانى
بس لما يخدوك علشان تحلف اليمين ياعم دا غير يمين الطلاق اللى انته مصدره فى كل حدوتة تحكيها
اصحى معايا الله يكرمك
لما تروح تحلف اليمين اوعى تروح بالبدلة بتاعت جوازك .. انته عارف ... دى بقت مكيفة الهواء من كل ناحية .. العربى جوز ام بطة عنده بدلة اخوه باعتهالو من بلاد بره ابقى استلفها منه وإقضى مصلحتك وبعدين رجعهاله ... ماهى الجيران لبعضها امال ايه
reemelyamany Admin
عدد الرسائل : 2068 رقم العضويه : 1 تاريخ التسجيل : 28/05/2008
موضوع: رد: يا سلام هبقى الريس الخميس يناير 15, 2009 6:39 pm
ههههههههههههههههههههههههههههههههههه
حلو موضوع ان الواحد يبقى ريس ده هههههههههههههههههههههههههههه
توبيك تحفه يا محمد
@ماريو@ مشرفه قسم الحوارات والمناقشات
عدد الرسائل : 3564 رقم العضويه : 4 Personalized field : تاريخ التسجيل : 29/05/2008
موضوع: رد: يا سلام هبقى الريس الجمعة يناير 16, 2009 3:37 pm
حلوة موووووت الفكرة
انا لو هبقى ريس اول حاجة هعملها هروح اصيف فى اسبانيا طبعا
موضوع: يا سلام هبقى الريس 
